Compassionate Penarth
Compassionate Penarth
Ein cefndir
Mae Compassionate Penarth yn grŵp o bobl a sefydliadau lleol sydd am i drigolion Penarth a’r cyffiniau wybod nad ydyn nhw ar eu pen eu hunain ar rai o’r cyfnodau anoddaf yn eu bywydau.
Yn cefnogi pobl i fod yn fwy cyfforddus wrth siarad am eiddilwch, salwch angheuol, gofal diwedd oes, marwolaeth, marw a phrofedigaeth. Pan fydd pobl yn teimlo’n fwy cyfforddus yn siarad am y profiadau arwyddocaol hyn, mae’n haws iddynt gael y cymorth sydd ei angen arnynt ac maent yn fwy abl i gefnogi eraill.
–
Ein gwaith: Rydym yn canolbwyntio ar dri chyfnod o fywyd
Mae byw gyda, neu ofalu am rywun sydd â salwch angheuol yn amser i ystyried yr hyn sydd fwyaf pwysig. P’un a yw hynny’n ystyried pa ofal meddygol yr hoffem ei gael a ble yr hoffem gael ein triniaeth, neu’n rhannu syniadau creadigol am sut yr hoffem i’n bywydau gael eu dathlu, neu efallai ein bod yn bryderus ynghylch yr hyn fydd yn digwydd i’n hanifeiliaid anwes. Gall siarad am y pethau sydd bwysicaf i ni roi tawelwch meddwl i ni a helpu’r rhai rydyn ni’n eu gadael ar ôl.
Marw a marwolaeth – Gall diagnosis angheuol fod yn sioc i’r unigolyn sydd â’r salwch a’r rhai sy’n gofalu amdano. Gall siarad ag eraill ein helpu i brosesu’r hyn yr ydym yn mynd drwyddo. Efallai y bydd gennym lawer o gwestiynau am yr hyn sydd o’n blaenau; rhai cwestiynau yr ydym yn ofni eu gofyn, a rhai cwestiynau nad ydym yn gwybod pwy i’w gofyn i.
Profedigaeth a galar – Pan fydd rhywun yr ydym yn ei adnabod yn marw, efallai y byddwn yn profi amrywiaeth eang o emosiynau, nid oes un ffordd i alaru, nid oes amserlen. Gall dysgu i fyw gyda cholli anwylyn deimlo’n llethol. Efallai eich bod yn poeni am ymdopi â’ch galar neu efallai eich bod eisiau cefnogi ffrind neu aelod o’r teulu. Mae’n bwysig i gofio nad ydych chi ar eich pen eich hun a bod cefnogaeth ar gael yn y gymuned leol.
—
Sut rydym yn cefnogi pobl
Rydym yn cefnogi cymunedau ym Mhenarth a’r cyffiniau drwy wneud y canlynol:
- Darparu gwasanaeth cyfeirio ar-lein at adnoddau, cyngor a gwybodaeth.
- Rhoi sgyrsiau i grwpiau a sefydliadau cymunedol sy’n codi ymwybyddiaeth o’r cymorth sydd ar gael a sut y gallwn gefnogi ein gilydd yn well.
- Cynnal digwyddiadau i alluogi pobl i ddysgu, rhannu a thrafod y pynciau pwysig hyn sy’n cael eu hystyried yn dabŵ yn rhy aml
Mae adnoddau ar gael yma – https://linktr.ee/comppenarth
Oes gennych chi ragor o gwestiynau? Cysylltwch â ni: CompassionatePenarth@gmail.com
Byddwch yn rhan o’r gymuned
- Ymunwch â grŵp Cymunedol Compassionate Penarth – Os hoffech ddefnyddio eich sgiliau bywyd i gefnogi eraill, gallech gefnogi ein digwyddiadau cymunedol, sgyrsiau a gweithgareddau codi ymwybyddiaeth.
- Gwirfoddoli yn y gymuned – Dod o hyd i gyfleoedd i fod yn rhan o’r gymuned leol. Gallwn eich cyfeirio at sefydliadau ym Mhenarth sy’n chwilio am wirfoddolwyr sydd â diddordeb yn y maes hwn
- Dilynwch ni ar y cyfryngau cymdeithasol – cofiwch rannu gwybodaeth sydd wedi bod yn ddefnyddiol i chi
- Mynd i ddigwyddiad – Bydd gwybodaeth am ddigwyddiadau ar gael ar y safle hwn. Cofiwch gysylltu os oes gennych chi syniadau am ddigwyddiadau sy’n annog pobl i siarad am y cyfnod hwn o fywyd
Compassionate Penarth
Os ydych chi’n rhan o grŵp neu sefydliad
- Gofynnwch i ni ddod i’ch grŵp neu gyfarfod cymunedol i siarad am Farw, Marwolaeth a Phrofedigaeth.
- Ymunwch â’n rhwydwaith i gael newyddion ac i rannu gwybodaeth am eich grŵp a’r cymorth neu wasanaethau rydych yn eu darparu.
Cysylltwch â ni: CompassionatePenarth@gmail.com
